Roza Bağlanova atyndağy «Qazaqkontsert» memlekettik akademiyalyq kontserttik ūiymynyñ «Gülder» ansambli jeke kontsertine shaqyrady.

«Gülder» horeografiyalyq jäne muzykalyq ansambli - öz isiniñ tanymal sheberleri men käsipqoilardan jinalğan – Gülder bEndi, balet truppasyn jäne Estrada solisterin biriktirgen biregei ūjym. Ansambldiñ jañartylğan qūramy aty añyzğa ainalğan ūjymnyñ shyğarmashylyğyn laiyqty jalğastyryp qana qoimai, bedeldi festivalder men baiqaularda,  halyqaralyq arenalarda da öz ornyn nyğaityp, körermen qoshemetine bölenip jür.

Kontsert qazaq Estradasynyñ daryndy änshileri, Qazaqkontsert jūldyzdary – «Daryn» jastar syilyğynyñ laureaty, dombyrashy Ardaq Eleusiz, respublikalyq jäne halyqaralyq konkurstardyñ laureattary Saltanat Meñdiğalieva, Didar Äbdihalyq, sondai-aq 2019 jylğy «Slavyan bazary» halyqaralyq festivaliniñ jeñimpazy Ädilhan Makinniñ qatysuymen ötedi.

Kontsert bağdarlamasynda jappai jäne jeke horeografiyalyq nömirler, «Gülder» aspaptyq toby aranjirovkasyn jasağan Estradalyq kompozitsiyalar, sondai-aq solisterdiñ avtorlyq änderi oryndalady. Atap aitqanda, Estrada jūldyzdarynyñ oryndauynda köpshilik süiip tyñdaityn «Men dep oila», «Ädemi-au», «Vodovoz», «16 qyz», «Gitara jäne men» jäne basqa da tanymal änder shyrqalady. «Gülder» ansambliniñ baleti körermen nazaryna «Bipyl», «Qorqyt» jäne jaña – «Qytai bii», «Dala äueni», «Köñil tolqyny» jäne t. b. horeografiyalyq önerdiñ türli bağytaryndağy bi nömirlerin ūsynbaq. Sonymen qatar, äuezdi än men äsem bi saltanat qūrğan äserli keshte ūjymnyñ «Jer ana» vokaldyq-horeografiyalyq kompozitsiyasynyñ tūsauy kesiledi.

Aita ketu kerek, 2023 jyldyñ kökteminde «Gülder» ansambliniñ jañartylğan qūramynyñ tūsaukeseri ötti. Ansambldiñ körkemdik jetekshisi-Abzal Ösimbaev, bas baletmeister-Anvara Sadyqova.