Qazaqkontsert süiikti körermenderin ūly qazaq aqyny, danyshpan oishyl Abai Qūnanbaiūlynyñ 180 jyldyğyna arnalğan «ABAi ÄLEMI» atty muzykalyq keshke shaqyrady.

Kesh barysynda būryn-soñdy oryndalmağan Abaidyñ tyñ shyğarmalary alğash ret köpshilik nazaryna ūsynylady. Jañasha muzykalyq öñdeuler men zamanaui aranjirovkalar arqyly Abai mūrasy jañğyryp, körermenge özgeshe äser syilaidy.

Kontserttik bağdarlamada «Ūly Abai», «Ğūlama-Abai», «Esiñde bar ma jas küniñ», «Jasymda ğylym bar dep eskermedim...», «Abaidyñ Aqtolqyny», «Abai tolğau» jäne t.b. shyğarmalar oryndalady.

Is-sharağa «Halyq qazynasy» ūlttyq öner ortalyğynyñ solisteri qatysady: Qazaqstannyñ eñbek siñirgen qairatkerleri Janğali Jüzbai, Qūmarbek Qalqatai, Aizat Qarabek, Qazaqstan Respublikasynyñ mädeniet qairatkeri Tolğanbai Sembaev, «Mädeniet salasynyñ üzdigi» tösbelgisiniñ iegerleri Qairat Aitbaev, Bauyrjan Bekmūhanbet, Perizat Tūrar, «Daryn» memlekettik jastar syilyğynyñ laureaty Künsūlu Türikpen, respublikalyq jäne halyqaralyq baiqaulardyñ laureattary Birjan Aitahmet, Älihan Düisenbai, Aqerke Täjibaeva, Venera Tabys jäne Jantu Dadabaev.

Qapy qalmañyz! Abai mūrasy arqyly Ūly dalanyñ mäñgilik ünin jürekpen tüisiniñiz.