Ruhy myqty, öner filosofiyasy tereñ halqymyzdyñ öner shejiresi Qorqyt baba, Äl-Farabi, Ketbūğa, Asan qaiğy, Qaztuğan babalarymyzdan bastau alatyn halyq öneri men mädenietin barynsha nasihattap, shyğarmalaryn jañasha sahnalaudyñ jolynda ayanbai eñbek etu - «Roza Bağlanova atyndağy «Qazaqkontsert» memlekettik kontserttik ūiymynyñ basty mindetteriniñ biri. Atalmysh mindetti jüzege asyru maqsatynda qazaqtyñ ūly tūlğalarynyñ mereitoilaryna arnalğan «Ūlylarğa tağzym» jobasy düniege kelip, M.Äuezov pen Ğ.Müsirepovtiñ, talantty kompozitorlar Ğ.Jūbanova men E.Rahmadievtiñ jäne qazaq opera öneriniñ negizin salushylardyñ biri K.Baiseiitova men jeztañdai änshi R.Bağlanova syndy ūly tūlğalardyñ önerine arnalğan birneshe kontserttik bağdarlamalar körermenge ūsynyldy.

«Ūlylarğa tağzym» jobasyn qazaqtyñ ūlttyq teatr öneriniñ, akademiyalyq vokalynyñ negizin qalağan öner qairatkeri, Europa halqyn erekshe dausymen moiyndatyp, qazaq halqyn törtkül düniege tanytqan kümis kömei, jez tañdai änshi Ämire Qashaubaevtyñ 135-jyldyğyna arnalğan saltanatty kesh jalğastyrmaqshy. 

Keshte Roza Bağlanova atyndağy «Qazaqkontsert» ūiymy men «Halyq qazynasy» ortalyğynyñ ärtisteri öner körsetip, elordalyq körermenderge qazaq öneriniñ damuyna eseli üles qosqan aty añyzğa ainalğan düldül änshiniñ bai shyğarmashylyq mūrasyn eske tüsiretin äuenderin tartu etedi.