Tımýr Ýrmancheev – "Qazaqkonsert" memlekettik konserttik uıymynyń kórkemdik jetekshisi, Qazaqstannyń eńbek sińirgen qaıratkeri, "Qurmet" ordeniniń ıegeri.

Tımýr Ýrmancheev – Qazaqstannyń akademıalyq mýzyka óneriniń jarqyn ókili. Ol otandyq ónerdiń damýyna zor úles qosýda. Talantty pıanıs, «Forte Trıo» memlekettik trıosynyń negizin salýshy retinde belgili. Tanymal pıanıs iri halyqaralyq jáne respýblıkalyq jobalardyń kórkemdik jetekshisi bolyp tabylady. Atap aıtar bolsaq, «Astana keshteri», «Japondyq kóktem», «Japondyq kúz» óner festıváldary, «Kóktem samaly» jáne «Júrek sazy» respýblıkalyq mýzyka festıváldary, «Vremen svázýıýshaıa nıt» mádenı qaıyrymdylyq megajobasy.

Tımýr Ýrmancheevtiń qazaqstandyq mýzyka óneriniń damýyna qosqan úlesi birneshe ret memlekettik dárejede atap ótildi. Ol «Renata Tebaldi-Mario Del Monaco» (Italıa) Halyqaralyq vokal akademıasynyń qurmetti profesory bolyp tabylady.

Bilimi:
• 1990 – Joǵary oryndaýshylyq sheberlik kýrstary (P.I.Chaıkovskı atyndaǵy Máskeý memlekettik konservatorıasynyń profesory A.Vedernıkovtan);
• 1991 – Qurmanǵazy atyndaǵy Qazaq ulttyq konservatorıasynyń fortepıano klasy boıynsha túlegi;
• 1993 – Assısentýra-taǵylymdama.

Shyǵarmashylyq jetistikteri:
• 2001 – QR Prezıdentiniń jarlyǵymen «Eren eńbegi úshin» medali;
• 2006 – «Qazaqstannyń eńbek sińirgen qaıratkeri» ataǵy;
• 2015 – «Qurmet» ordeniniń ıegeri.