Ádiljan Tolyqpaev – kompozıtor, «Saz&soul» vokaldyq-aspaptyq ansambliniń kórkemdik jetekshisi.

Bilimi:
• 2015-2016 jj. – Qazaq ulttyq óner ýnıversıteti, «Kompozısıa» mamandyǵy.

Shyǵarmashylyq jetistikteri:

Ádiljan Tolyqpaevtyń «Iapýraı» fortepıanalyq pesasy otandyq pıanısterdiń repertýaryna enip, respýblıkalyq jáne halyqaralyq baıqaýlarda jıi oryndalady. Buǵan qosa, fortepıanoǵa arnalǵan pesalar jınaǵyn shyǵarǵan. Onyń skrıpkaǵa arnalǵan pesalary qazaqstandyq skrıpka mektebiniń hrestomatıasyna engen. Belgili kompozıtor Igor Krýtoıdyń ánder jınaǵyn qurastyrýǵa, atap aıtqanda birneshe ánniń fortepıano men daýysqa, ishekti kvartet pen skrıpkaǵa arnalǵan nusqalarynyń jazylýyna óz úlesin qosty. 2012 jyly kompozıtor Shyryn Bazarkýlovamen birge «Elbasy joly» fılminiń mýzykasyn jazdy. Tanymal ánshi Batyrhan Shýkenovtyń ánderinen daýys pen fortepıanoǵa arnalǵan kompozısıalardyń nusqalaryn jazýǵa atsalysty.