Қазақ музыканттары талантымен Еуропа жұртын тамсантты. Еліміздің Бельгиядағы елшілігінің қолдауымен музыканттар Брюссельдегі «Бозағ»өнер орталығында концерт берді.

46 түрлі музыкалық аспапта ойнайтын «Тұран»этно-фольклорлық ансамблі, еліміздің үздік теноры Медет Шотабаев, жас виолончельші Талғар Толқынұлы мен пианиношы Дина Мейірманова еуропалықтарға ұлттық өнердің жауһарын паш етті. Музыканттар Абайдың, Н.Тілендиевтің шығармаларынан бөлек, әлемдік классиканың үздік туындыларын шебер орындады. Сондай-ақ, кеште көпшілік еліміздің еңбек сіңірген қайраткері, сазгер Ақтоты Райымқұлованың жаңа туындысын тыңдады. Ұлы даланың ғажайып сарынын естіп, тамсанған еуропалықтар музыканттарға қошаметті жаудырды.

Юсеф Ван Вайнбергер, көрермен:

Таңғажайып концерт. Еуропалықтар үшін бұл мүлде бөлек мәдениет. Музыканттардың бар жан-тәнімен беріліп ойнағанына тәнті болдым. Жарайсыздар!

Мартин Говэ, көрермен:

Бұл менің осы уақытқа дейін тыңдаған музыкаларымның ішіндегі ең кереметі дер едім. Ұлттық аспаптарыңыздың үні дүниемді дүр сікіндірді. Ұлы дала еліне саяхат жасағандай болдым. 

https://qazaqstan.tv/news/174199/