«Халық қазынасы» ұлттық өнер орталығы Жамбыл Жабаевтың 180 жылдық мерейтойына арналған мерекелік концертке шақырады.

Концерттік бағдарламада ұлы ақынның өмірі мен шығармашылығын, бай поэтикалық мұрасын және қазақ халқының дәстүрлі өнерін дәріптейтін вокалдық және аспаптық туындылар орындалады. Көрермендер Жамбыл Жабаевтың шығармашылығына арналған әндерді, айтыс үзінділерін, жырлар мен күйлерді тамашалайды.

Бағдарламада «Жиырма бес», «Алғадай», «Сарыбайға», «Жамбыл мен Айкүмістің айтысы», «Жамбыл жыры» және басқа да шығармалар ұсынылады. Кеште «Астана сазы» ансамблі мен «Халық қазынасы» ұлттық өнер орталығының өнерпаздары өнер көрсетеді.

Мерекелік концерт көрермендерге ұлттық өнердің байлығын сезініп, Жамбыл Жабаевтың шығармашылық мұрасымен жақынырақ танысуға мүмкіндік береді.

Сіздерді қазақ халқының рухани мұрасын ұлықтайтын мерейтойлық концертке шақырамыз!