Роза Бағланова атындағы «Қазақконцерт» мемлекеттік академиялық концерттік ұйымының солистері «TURAN» этно-фольклорлық ансамблі сіздерді ерекше әрі бірегей дәріс-концертке шақырады!

«TURAN» ансамблі көрерменді шығармашылық процесске қатыстыра отырып, өткеннің үнін әуелетіп, ұлттық өнерімізді ұлықтайды. 15 жылдан астам уақытта әлемнің үздік сахналарын бағындырған шығармашылық ұжым «Түркі әлемінің музыкалық брендіне» айналды.

Ұлы Даланың музыкасын әлемге танытқан ансамбль ұлттық әуендерді шебер орындап қана қоймай, қазақ музыкалық аспаптарының тарихымен де таныстырады.

«TURAN» ансамблімен бірге қазақ аспаптарының шынайы үнімен сусындап, рухани кештің куәсі болыңыз!