Қойылым Людмила Разумовскаяның «Дорогая Елена Сергеевна» пьесасы негізінде сахналанған.

Сюжеті аса қызық. Бітіруші сынып оқушылары ұстазын туған күнімен құттықтауға келеді. Сырттай қараған адамға жылы тосынсый секілді, алайда іс мүлде басқаша: мұнда әрқайсысының өз мақсаты бар, оған жету үшін бір-ақ қадам қалған. Кейіпкерлер өз ар-ожданымен келісе ала ма? Олар қай шекке дейін баруға дайын? Өйткені жеке мүдде жолындағы күресте бар амал жарамды…

Қойылымда ұрпақтар қайшылығы, өсіп келе жатқан буынның қиындықтары, оқушылардың ата-анасымен, ұстаздарымен және қоғаммен қарым-қатынасы секілді мәселелер көтеріледі. Өткен ғасырдың 80-жылдарында үлкен резонанс тудырған туынды бүгінде де өзектілігін жойған жоқ.

Қоюшы режиссёрі — Astana Musical театрының көркемдік жетекшісі Еслям Нұртазин.

Назар аударыңыз! Іс-шара қазақ тілінде өтеді.