«ASTANA MUSICAL» мемлекеттік театры Рэй Кунидің «№13» комедиясына шақырады!

Британ театрындағы ең үздік комедиялардың бірі болып танылған атақты қойылым көрермендерге өткір әзіл, шексіз күлкі мен күтпеген оқиғаларға бай ерекше кеш сыйлайды!

«№13» комедиясы қоғамның игілігі үшін қызмет атқарудың орнына демалуды ұйғарып, бес жұлдызды қонақүйдің 13-нөмірінде өзінің саяси қарсыласының хатшысымен кездесу ұйымдастырған Ричард Уиллидің басынан өткен оқиғасы аясында өрбиді. Қызықтың көкесі кездесу барысында терезе жақтауынан адам денесі табылған кезде басталады.

Спектакль комедия, мелодрама және қылмыстық интригалар бір-бірімен ұштасқан қызықты оқиғалар желісі. Жарқын кейіпкерлер мен күтпеген оқиғалар және тоқтаусыз әзілдер - мұның бәрі әсерлі кешті күлкі мен қуанышқа толы мерекеге айналдырады.

Режиссер Еслям Нұртазиннің нұсқасы музыкалық партиялар кейіпкерлердің мінезін ашып, спектакльге одан да қанық эмоционалды реңк беруге негізделген.

Заманауи қазақстандық өнерді дәріптеп жүрген актерлердің шебер ойындары мен көрерменге алуан түрлі сезім сыйлайтын қойылымға келіңіздер! Сіздерді нағыз қуаныш пен керемет көңіл-күй күтіп тұр!