Роза Бағланова атындағы «Қазақконцерт» мемлекеттік академиялық концерттік ұйымының «GULDER» ансамблі көрермендерге «Experience» №3 жаңа сахналық жобасын ұсынады.

«Түркі әлемі мифологиясынан қазіргі заманға дейін» - көне түркі аңыздары музыка мен би арқылы жаңа үнге ие болатын әсерлі хореографиялық қойылым. Сахнада өз өнерлерін «GULDER» ансамблі мен Қазақстанның үздік шығармашылық ұжымдарының жас таланттары ұсынады.

«Experience» жобасы - музыка және хореография өнері саласындағы жас таланттар үшін тек орындаушы ретінде ғана емес, сонымен қатар хореограф ретінде де өз мүмкіндіктерін ашуға мүмкіндік беретін инновациялық платформа.

Көрермендерді не күтіп тұр:

• сахналық кеңістіктің ерекше ұйымдастырылуы;
• шығармашылық үдеріске толықтай ену;
• қозғалыстағы өнермен тікелей байланыс;
• музыка, би, вокал және мәдениет пен өнердің басқа да бағыттарын біріктіретін қуатты шығармашылық коллаборация.

Концерттік бағдарламада ұлттық бидің дәстүрлі үлгілерінен бастап заманауи бағыттарына дейінгі қойылымдар ұсынылады. Сондай-ақ әзербайжан, якут, татар, моңғол және басқа да халықтардың билері бар.

«Experience» - жай ғана концерт емес, түрлі дәуірлер мен мәдениеттер және тұлғалар арасындағы ерекше үндестік. Бұл - осы жерде және дәл осы сәтте дүниеге келетін жанды өнермен қауышу мүмкіндігі.

Жоба авторы - «GULDER» ансамблінің бас балетмейстері Анвара Садыкова.