Қазақстанның еңбек сіңірген әртісі, «Құрмет» орденінің иегері, Қазақ Ұлттық өнер университетінің профессоры, Роза Бағланова атындағы «Қазақконцерт» мемлекеттік академиялық концерттік ұйымының солисі Бағдат Сәмидинова Жамбыл облысы халқымен қауышпақ.

2024 жылдың 10-16 сәуір аралығында халқымыздың сүйікті әншісі Бағдат Сәмидинованың туған өлкесі – Жамбыл облысында «Мен даланың қызымын» атты гастрольдік концерттері өтеді.

Бағдат  Сәмидинова - қазақтың киелі сахнасында ән өнерінің дамуына ұзақ жылдар бойы еселі еңбек етіп, көрерменнің ыстық ықыласына бөленген халқымыздың мақтанышы. 

Әншінің гастрольдік сапары ҚР Мәдениет және ақпарат министрлігі мен Жамбыл облысы әкімдігінің қолдауымен өтеді.

Іс-шара келесі мекен-жайларда өтеді:

10.04.2024  Тұрар Рұсқұлов ауданы «Мэлс Өзбеков» атындағы Аудандық Мәдениет үйі сағ.:14:00

10.04.2024 Меркі ауданы «Мәдениет үйі» сағ.: 19:00

11.04.2024 Байзақ ауданы «Әл-Фараби» атындағы аудандық Мәдениет үйі сағ.: 18:00

12.04.2024 Тараз қаласы «Баласағұн» орталық концерт залы сағ.:19:00

13.04.2024 Талас ауданы «Ұлбике ақын» ат. Мәдениет орталығы сағ.:17:00

15.04.2024 Қордай ауданы  Аудандық мәдениет үйі сағ.: 17:00

16.04.2024 Шу ауданы  Аудандық мәдениет үйі сағ.: 19:00