Қазақ мемлекеттік симфониялық оркестрі Шопен мен Мендельсонның мәңгілік әуендері шырқалатын ерекше музыкалық кешке шақырады.

Кештің дирижері - Қазақстанның еңбек сіңірген қайраткері Ерболат Ахмедьяров. Ол ауқымды симфониялық жобаларды жүзеге асырып, әлемнің жетекші оркестрлерімен беделді сахналарда өнер көрсеткен.

Сондай-ақ бұл кеште әлемге әйгілі пианист Антонио Ди Кристофано өз өнерін ортаға салады. Ол Карнеги-холл (АҚШ), Венадағы Музикферайн сияқты әйгілі концерт залдарында және Еуропа, Америка мен Азияның атақты фестивальдерінде шығармашылығын танытқан. Пианистің орындау мәнері терең музыкалық интерпретациясымен және сирек кездесетін виртуоздығымен ерекшеленеді.

Концерт бағдарламасы:

Ф. Шопен. Фортепиано мен оркестрге арналған №2 концерт

Ф. Мендельсон. №4 симфония «Италия»

Музыкалық кеш барысында дирижердің кәсіби шеберлігі, солистің орындаушылық өнері және симфониялық оркестрдің әсерлі үні үйлесім тауып, көрерменге ерекше әсер сыйлайды.