Аяғына Nike киіп, Молдабайдың әнін айтқан Алдарды көріп пе едіңіз?

Иә, бұл Алдар көсе бұрынғы Алдардан өзгерек!

Талантты және кәсіби актерлардың тамаша ойыны, ғажайып ән мен серпінді би үйлескен қойылымды көргілеріңіз келсе, 30 қараша күні Қазақконцертке «АЛДАР КӨСЕ» мюзиклына келіңіздер.

Біздің Алдар көсе заман талабына сай: рэп те айтады, би де билейді. Бірақ асқан айлакер әлі де әділдіктің қорғаушысы. Бұл жолы ол халықты Тағай ханның әділетсіз билігінен құтқарудың жолын іздейді.

Мюзикл халық батырының мәңгілік бейнесін жасауға, мықты тұлға ретінде қалыптастыруға, адамгершілік-рухани құндылықтарды, даналық пен тапқырлықты дәріптеуге бағытталған.

Мюзиклдың қоюшы-режиссеры - «ASTANA MUSICAL» мемлекеттік театрының көркемдік жетекшісі Есләм Нұртазин, қойылымның авторлары - Ефрат Шарипов, Шыңғыс Маман, Есләм Нұртазин, Әннәс Бағдат, композиторлар - Ербол Нариманұлы, Ақжол Өмірзақов.

Қазақ ауыз әдебиеті арқылы қалың көпшілікке таныс кейіпкердің шытырман оқиғасын бірге тамашалайық!