Қазақконцерт сахнасында алғаш рет Қазақстанның еңбек сіңірген қайраткері Ерлан Рысқалидың «Abay Lab» атты жобасы өтеді.

«Абай Lab» - ұлы ойшыл, ақын әрі ағартушы Абай Құнанбайұлының 180 жылдығына арналған әдеби-музыкалық кеш. Бұл концерттік кеш - ұлттық дәстүр мен заманауи өнер ұстанымдарын үйлестірген шығармашылық платформа. Ғасырлар бойы халық жадында сақталып келген жырлар мен әуендер жаңаша сипатта, бүгінгі жас ұрпаққа түсінікті әрі қазіргі заманға сай үлгіде ұсынылады.

Кеш көрермендері қызықты бағдарламаны тамашалай алады:

- Абайдың өлеңдері мен қара сөздерінен үзінділер;

- Абай әндерін жанды дауыспен орындау;

- Ұлы ақын туралы интерактивті форматтағы әңгімелер, танымдық ойындар мен тосын деректер.

«Абай Lab» - ұлы Абайды жаңа қырынан танып, оның ой-толғамдарын бүгінгі күнмен сабақтастыруға мүмкіндік беретін рухани кеш. Мәдени оқиғаның ажырамас бөлігі болуға тамаша жол ұсынылып отыр. Қапы қалмаңыздар!