«ASTANA MUSICAL» мемлекеттік театрының «ЕНТ тапсырмаймын» драмасына шақырамыз!

Людмила Разумовскаяның «Қымбатты Елена Сергеевна» атты шығармасына негізделген қойылым әр көрерменді толғандыратын маңызды да өзекті мәселелерді көтереді.

Драма не туралы?

Мектеп түлектері өз ұстаздарын туған күнімен құттықтауға келеді. Жақсы ықыласқа толы көрініс болып көрінгенімен, астарында құйтырқы мақсат пен қатігез ниет бар. Оған қол жеткізу үшін кейіпкерлер қандай әрекетке баруға дайын? Арам ойдың азғыруына төтеп беріп, ар-ұжданын сақтай ала ма, әлде қалаған нәрсесіне қол жеткізу үшін бәріне баруға дайын ба? Бұл оқиға қоғамның айнасы, өмірде жиі кездесетін мораль дилеммасының көрінісі.

Неліктен қойылымға келу керек?

Спектакльде ұрпақ сабақтастығы, жасөспірімдердің ата-аналарымен, мұғалімдерімен және қоғаммен қарым-қатынасы жан-жақты ашылады. Өткен ғасырдың 80 жылдары қоғамда үлкен резонанс тудырған туынды бүгін де өзектілігін жоғалтқан жоқ.

Режиссер «ASTANA MUSICAL» театрының көркемдік жетекшісі Еслям Нұртазин.

Әр көрермен ой түйетін шиеленіске толы психологиялық драмадан қапы қалмаңыз!

Билеттер саны шектеулі!