Афиша Ұжымдар Залдар Жаңалықтар Біз туралы Астана 20 жыл Еңбек биржасы Мемлекеттік сатып алу Байланыс

Біз туралы

Құрметті көрермендер!

«Қазақконцерт» мемлекеттік концерттік ұйымының ресми сайтына қош келдіңіздер! 

Аз уақыттың ішінде алар асуын айқындап, талай шыңды бағындырған «Қазақконцерт» ұйымы отандық өнердің бірегей орталығына, мәдениет саласындағы ұлттық брендке айналған. Концерттік ұйымда еліміздің үздік әртістері мен шығармашылық ұжымдары шоғырланған. Ұйымның концерттері ауқымды көрермен аудиториясын жинайды, ал бағдарламалары жанрлық сан-алуандылық пен орындаушылардың жоғары кәсібилігімен ерекшеленеді.

«Қазақконцерттің» басты мақсаты – озық музыкалық шығармаларды насихаттау, жоғары сапалы көркем музыкалық концерттік бағдарламаларды жасау, үздік өнер туындыларының халыққа қолжетімділігін қамтамасыз ету, отандық музыка өнерін одан әрі дамытуға ықпал ету.

Жеңіс Сейдуллаұлы

Қазақконцерт тариxы

«Қазақконцерт» мемлекеттік концерттік ұйымы

Қазақстан Республикасы Мәдениет және спорт министрлігінің «Қазақконцерт» мемлекеттік концерттік ұйымы» республикалық мемлекеттік қазыналық кәсіпорны – отандық мәдениеттің көш басындағы ең ірі музыкалық ұйым. 

«Қазақконцерттің» құрылуындағы алғашқы қадамдар қазақ мәдениетінің тарихына есімдері алтын әріппен жазылған әртістердің шығармашылық қызметімен байланысты. Сонау 1960 жылдары бастау алған «Қазақконцерт» мемлекеттік гастрольдік-концерттік бірлестігінде Ш.Жиенқұлова, Ж.Омарова, Ж.Елебеков, Р.Бағланова, М.Хамзин сынды даңқты өнерпаздар еңбек еткен. Кейін келе олардың қатарына С.Тыныштығұлова, Ә.Есқалиев, С.Шүкіров, Г.Талпақова секілді белгілі әртістер қосылды. Олардың жарқын ізін А.Қоразбаев, Р.Рымбаева, М.Жүнісова, А.Нурмагамбетова, Б.Сәмединова т.б. эстрада майталмандары жалғастырып жүр. 

2016 жылы «Қазақконцертке» Қазақстан Республикасы Мәдениет және спорт министрлігінің Мемлекеттік ұйымы мәртебесі берілді. «Қазақконцерттің» басты мақсаты – озық музыкалық шығармаларды насихаттау, жоғары сапалы көркем музыкалық концерттік бағдарламаларды жасау, үздік өнер туындыларының халыққа қолжетімділігін қамтамасыз ету, отандық музыка өнерін одан әрі дамытуға ықпал ету. «Қазақконцерт» ұжымы ТМД мемлекеттерінің шеңберінде баламасы жоқ әрі Қазақстан Республикасының маңызды архитектуралық құрылымдарының бірі – «Қазақстан» орталық концерт залында еңбек етуде. «Қазақстан» орталық концерт залында белгілі симфониялық және камералық оркестрлердің, танымал эстрада жұлдыздарының концерттері, театрлық қойылымдар жиі өткізіледі.

«Қазақконцерт» ұйымында еліміздің үздік әртістері мен шығармашылық ұжымдары бас қосқан. «Қазақконцертте» барлық музыкалық өнердің жанрлары ұсынылған: фольклор, классика, эстрада, мюзикл театры. Шығармашылық құрамға «Астана сазы» фольклорлық-этнографиялық ансамблі, «Форте трио» мемлекеттік триосы, «Солистер академиясы» мемлекеттік камералық оркестрі, «Astana Musical» театры, эстрадалық әншілер мен топтар кіреді. Аталған ұжымдар үнемі шығармашылық ізденіс үстінде. Батыл эксперименттер жасап, жаңа бейнелер іздеп, мюзиклдердің қойылымы мен концерттердің стилистикасын сан түрлі тәсілдермен жеткізіп, көрермендерді жаңа туындылармен қуанышқа бөлеп жүр. Шығармашылық ұжымдардың, солистердің концерттері ауқымды көрермен аудиториясын жинайды, ал бағдарламалары жанрлық сан алуандылығы пен орындаушылардың жоғары кәсібилігімен ерекшеленеді. 

«Қазақконцерт» мемлекеттік концерттік ұйымының барлық шығармашылық ұжымдары Елбасы Н.Ә.Назарбаев ұсынған «Рухани жаңғыру» бағдарламасы мен «Мәңгілік ел» идеясын жүзеге асыру бойынша белсене еңбек етуде. Аз уақыттың ішінде алар асуын айқындап, талай шыңды бағындырған «Қазақконцерт» ұйымы отандық өнердің бірегей орталығына, мәдениет саласындағы ұлттық брендке айналған.